Shkencëtarët në Universitetin e Birmingham në Britani të Madhe, argumentojnë se ideja që dikush mund të ketë mbipeshë dhe të jetë i shëndetshëm në fakt është vetëm një mit. Në studimin e tij ende të pabotuar, janë vëzhguar plot 3.5 milion njerëz në Britani dhe është arritur në përfundim se njerëzit e dhjamosur të cilët janë “metabolikisht të shëndetshëm”, kanë më të rrezikuar nga sëmundjet e zemrës dhe goditja në tru se sa njerëzit me peshë normale.
Studimi i tyre është prezantuar në Kongresin Europian mbi Obezitetin të mbajtur në Portugali. Ata kanë vënë në dukje se ideja e “të qenurit i trashë, por i shëndetshëm” i referohet teorisë tërheqëse se nëse njerëzit kanë mbipeshë, ndërkohë që të gjithë faktorët të tjerë metabolikë të tyre, të tilla si tensioni i gjakut dhe niveli i sheqerit në gjak janë brenda kufijve të rekomanduar, atëherë pesha shtesë nuk është e dëmshme.
Për të përcaktuar nëse kjo është e vërtetë, shkencëtarët analizuan të dhënat për miliona britanikë në mes të viteve 1995 dhe 2015. Ata trajtuan fillimisht njerëzit me trashësi trupore (indeksi i masës së trupit të të cilëve ishte 30 ose më shumë), dhe për të cilët nuk kishin prova për sëmundje të zemrës, tension të lartë të gjakut, kolesterol të lartë apo diabet. Ata gjetën se njerëzit e dhjamosur ose “metabolikisht të shëndetshëm” kanë një rrezik më të lartë të sëmundjeve të zemrës dhe goditjes në tru se sa njerëzit me peshë normale.
“Rezultatet e këtij studimi tregojnë se njerëzit të cilët janë të trashë kanë një rrezik në rritje të sëmundjeve të zemrës dhe goditjes në tru, edhe pse ndoshta janë të shëndetshëm në çdo aspekt tjetër”, thotë Dr. Mike Knapton.
Rishi Caleyachetty nga Universitetin i Birmingham thotë se prioritet i punonjësve të kujdesit shëndetësor duhet të jetë nxitja dhe lehtësimi i humbjes së peshës trupore në mesin e pacientëve të trashë, pavarësisht nga prania ose mungesa e anomalive metabolike.
“Në nivelin të popullatës, i ashtuquajturi obeziteti metabolikisht i shëndoshë nuk është një fenomen pa rrezik”, thotë Caleyachetty. /tesheshi.cm/
