Ornela Çuçi, ekspertja e mjedisit e cila doli në mbrojtje të ligjit të qëverisë për mbetjet e riciklueshme, është “shpërblyer” nga kryeministri Rama duke u emëruar koordinatore e procesit për zbatimin në terren të ligjit. Në një takim që shefi i qeverisë shqiptare realizoi me krerë bashkish dhe përfaqsues të industrisë së riciklimit, ai tentoi që dhe njëherë të sqarojë opinionin se ligji sipas tij do e bëjë Shqipërinë më të pastër
“Shqipëria sot është më e pastër seç ishte 3 vjet më parë, por ende nuk është aq i pastër sa duhet. BE-ja synon që në vitin 2020 të ketë mesatare të riciklimit të mbetjeve 50%. Është ambicie shumë e madhe, ndërsa ne duam që deri në këtë vit të jemi mbi 35%”, shtoi Rama. Ai e mbrojti sërish ligjin edhe në terma ekonomikë, duke siguruar njëherësh shoqërinë civile që mos i trembet ndonjë ndotjeje më pasoja.
“Ndalohet rreptësisht importi i plehrave për djegie apo groposje. Autorizimi për importin e mbetjeve iu jepet vetëm subjekteve që riciklojnë. Nëse nuk do të ndërmerrnim këtë hap do të shkonim drejt një humbjeje të madhe në disa plane. Do të humbisnim 234 milionë euro në teknologji, nëse nuk miratohej ligji”, tha Rama. /tesheshi.com/
