Ish-trajneri i Romës shumë vite më herët, Carlo Mazzone, ka folur për radion Onda Libera, ku ka shprehur pakënaqësinë e thellë për mënyrën se si po sillet trajneri aktual, Spalletti, me Totti-n e De Rossi-n.
“Nuk e pëlqej mënyrën si po administrohen Totti e De Rossi,” është shprehur Mazzone me zërin e tij të ngjirur.
“Nuk është mirë, dhe jam i zhgënjyer. Dy lojtarë si ata meritojnë shumë më tepër, e kjo është mënyrë e
gabuar të vepruari.”
“Totti është dhe ka qenë një simbol. E njëjta gjë me De Rossi-n. Jam i zhgënjyer se kolegu im nuk po sillet në përputhje me këtë.”
Të dy lojtarët kanë luajtur fare pak minuta dhe kanë qëndruar më shumë në stol që me rimarrjen e drejtimit të ekipit nga Luciano Spalletti. Rezultatet e mira të njëpasnjëshme dhe vendi i tretë momentalisht në kampionatin italian e kanë bërë të vështirë dhe kritikimin e Spalletti-t për qëndrimin e tij.
Por nuk mendon kështu Mazzone. “Nuk e kuptoj vendosmërinë e tij për t’i eliminuar dy lojtarët në këtë mënyrë. Jam i mërzitur për këtë që ka bërë kolegu.” /tesheshi.com
