Mazhoranca nis betejën ligjore në Kuvend për të zgjedhur pasuesin e Kryeprokurorit Adriatik Llalla.
Kryeministri Edi Rama, ka zhvilluar një takim me deputetë socialist të Komisionit Parlamentar të Ligjeve, ku siç theksohet nga disa media ka marrë pjesë edhe deputeti i përjashtuar nga PS-ja, ish-ministri i Brendshëm Saimir Tahiri.
Për më pak se dy javë, Adriatik Llalës i përfundon mandate, ndërkohë që Këshilli i Prokurorisë nuk është konstituar ende.
Si zgjidhje e përkohshme, Kushtetuta sugjeron zgjedhjen e një Kryeprokurori “part time”, i cili zgjidhet me shumicë të thjeshtë.
Ky kryeprokuror, nuk do të ketë kompetenca fuqiplota, por kujdestare drejt konstituimit të institucionit të ri të akuzës, pas përfundimit të mandatit të Llallës dhe nisjes së procesit të vettingut.
Edhe OBDAT-i(misioni i SHBA për drejtësinë) dhe EURALIUSI(misioni i BE-së për drejtësinë), kanë sugjeruar me shkrim zgjedhjen e një prokurori të përkohshëm deri në zgjedhjen e Prokurorit të ri.
/tesheshi.com/
