Maturantët, “tap-topi” në Gjuhë, vetëm 3 të tillë morën notën 10

Nga 46 mijë testet që kanë korrigjuar vlerësuesit e Agjensisë Kombëtare të Provimeve, vetëm 3 kandidatë kanë arritur të marrin notën maksimale, 10.00 në provimin e Gjuhë-Letërsisë. Në të gjithë Shqipërinë vetëm 3 maturantë i janë përgjigjur saktë të gjitha pyetjeve, ndërsa numri i ngelësve është më i ulët se një vit më parë. Nga një vëzhgim i listave me notat e të gjithë maturantëve, vihet re një nivel mesatar, ku mbizotërojnë 6-a,7-a dhe 8-a. Pas notave të Gjuhë-Letërsisë, pritet të publikohen notat e matematikës, ndërkohë që kanë ngelur dhe 2 provimet me zgjedhje ende pa u zhvilluar.