Tre persona të maskuar dhe nën kërcënimin e thikave të martën, rreth orës 23:55, kanë sulmuar Aksaliç Hamza, nga i cili kanë marrë 2 mijë dinarë, celularin, kartelën e bankës, xhupin, orën e dorës si dhe dokumente tjera, bëjnë të ditur burime të portalit ‘Tesheshi’, nga veriu i Mitriovicës.
Plaçkitjen dhe rrahjen e personit nga ana e të maskuarve e ka konfirmuar edhe policia në Mitrovicë.
Besim Hoti, zëvendës Drejtor i Policisë së Kosovës për veri ka theksuar se një person është plaçkitur nga tre persona ende të pa njohur dhe të maskuar të martën rreth mesnatës.
“Policia ka dal në vendin e ngjarjes dhe ka hapur rastin si grabitje dhe sulm ndajë personit”,- ka thënë Hoti.
Ngjarja ka ndodhur mbrëmë rreth mesnatës në rrugën ‘Kral Petar’ në veri të Mitrovicës.
Pre të këtyre plaçkitësve të maskuar janë studentët në veri të Mitrovicës .
Ditë më parë burime të portalit ‘Tesheshi’ nga veriu i Mitrovicës kanë njoftuar se rreth mesnatës studenti serb Aleksa Obradoviç i vitlindjes 1992, është sulmuar dhe plaçkitur nga tre persona të maskuar në afërsi të qendrës së studentëve në veri të Mitrovicës.
Rastin e këtij sulmi me maska ndajë studentit e ka konfirmuar edhe policia e Kosovës në veri Mitrovicë.
Obradoviç, në momentin e sulmit nga persona të maskuar dhe që me vete baritnin armë të ftohta si thika dhe shufra të metalta, ka qenë duke lëvizur në rrugën ‘Çika Jovana’ .
Personat e maskuar i kanë grabitur me forcë një sasi të parave, telefonin si dhe stoli ari që ai i ka pasuar me vete, për fat të mirë studenti ka shpëtuar me lëndime të lehta ka thënë burimi i portalit ‘Tesheshi’.
Policia ka dal ne vendin e ngjarjes dhe po i kryen hetimet, ndërsa që për momentin nuk kemi ndonjë person të dyshuar i ka thënë policia portalit ‘Tesheshi’.
Vlen të përmendet se ky nuk është rasti i parë që studentet dhe qytetarë në veri të Mitrovicës kanë rënë pre e plaçkitjes nga persona të maskuar, vetëm në këtë muaj në këtë pjesë të qytetit kanë ndodhur 8 plaçkitje nga persona të maskuar. Veriu i Mitrovicës ka një hapësirë territoriale prej 1.5 km katrorë. /tesheshi.com/
