Javier Mascherano mund të jetë pranë kalimit te kampionët e Italisë. Argjentinasi është gati ta lërë Spanjën për ta vazhduar karrierën në radhët e Juventusit. Kjo është ajo çka raportohet sot në shtypin sportiv.
Gjithnjë sipas këtyre raportimeve, Juventusi dhe Mascherano janë në kontakt. Prej gjashtë vitesh te Barcelona, Mascherano kërkon të ndërrojë ambient, për të luajtur më përpara, në mesfushë, e jo siç luan aktualisht, në mbrojtje.
I menjëhershëm ka qenë reagimi nga Spanja, ku është mohuar të ketë një marrëveshje të tillë.
Mundo Deportivo ka cituar një zyrtar të klubit katalanas që ta ketë përjashtuar çdo mundësi shitjeje të lojtarit.
“Mascherano nuk është në shitje,” mësohet të ketë thënë zyrtari emri i të cilit nuk jepet.
“Ai është i patransferueshëm.”
Edhe pse nuk besohet që Juventusi të jetë i gatshëm të paguajë një shumë të madhe për një lojtar 32-vjeçar, transferimi i Mascherano-s do ta bënte Barcelonën të kërkonte menjëherë zëvendësimin e tij. Dhe kandidati më i mundshëm është braziliani Marquinhos i PSG-së.
Kontrata e Mascherano-s me Barcelonën përfundon në vitin 2018. /tesheshi.com/
