Media të ndryshme perëndimore kanë publikuar lajmin e beftë se një gjykatë serbe ka urdhëruar shtetin e vet për të paguar kompensim për familjet e viktimave të krimeve të luftës në Kosovë, të vrarë nga një njësi speciale të policisë në të viteve ’90-ta, gjë që ndodh për herë të parë.
“Gjykata, në aktgjykimin e vet ka urdhëruar shtetin e Serbisë për të paguar 25.9 milionë dinarë (210,000 euro, $ 240,000) për të 24 familjarët e 14 viktimave”, bëri me dije në një deklaratë Qendra për të Drejtën Humanitare (FDH), një organizatë joqeveritare me bazë në Beograd, e cila përfaqëson familjet e viktimave në procesin në fjalë.
Megjithatë, kjo organizatë tha se do të apelojë me pretendimin se gjykata duhet të vendosë për të sjellë shumën e kompensimit në përputhje me standardet e Gjykatës Evropiane të të Drejtave të Njeriut.
Ngjarja për të cilën bëhet fjalë i përket masakrës së Podujevës në 28 mars të vitit 1999, për të cilën pesë policë serbë, të gjithë anëtarë të një njësie të veçantë të quajtur “Scorpions”, janë dënuar deri në 20 vjet burg për vrasjen e 14 civilëve shqiptarë e plagosjen e dhjetra të tjerëve në atë masakër, përfshirë gra dhe fëmijë, por dhe për krime në luftën e Bosnjes. /tesheshi.com/
