Marko Gjuriq, shefi Zyrës serbe të Kosovës, ka reaguar me një deklaratë pas një shkrim të dy ditëve më parë të tesheshi.com: Vrasja e një shqiptari para 70 vjetësh: ja pse Beogradi e ka shpallur “sekret” prejardhjen familjare të Marko Gjuriqit
Në një deklaratë të tij, zyrtari serb i Kosovës, mëton të sqarojë opinonin mbi atë çka përfaqson, duke theksuar se punon për serbët, porse nuk është kundër shqiptarëve. Në fakt, shkrimi i tesheshi.com nuk e ka akuzuar Gjuriqin për antishqiptar, por ka zbardhur një detaj të së kaluarës që ka të bëjë me gjyshin e tij, i përfshirë në vrasjen e një shqiptari këtu e 70 vjet më parë.
Deklarata e plotë e Marko Gjuriqit, kreu i Zyrës serbe për Kosovë:
Unë ju po drejtohem me rastin e të dhënave të pasakta që kishin publikuar dje në disa media në gjuhën shqipe, në lidhje me paraardhësit e mi të pretenduara. Unë vij nga një familje multikulturore, gjë që më mbush me shumë krenari. Fatkeqësisht, asnjë prej paraardhësve të mi nuk ka prejardhjen nga Kosova dhe Metohija, dhe nuk jetonte në Kosovë dhe Metohi.
Konstruksioni i pemës së familjes sime të pretenduar në mediat nuk do të ishte një arsyje t’ju po adresoj në këtë mënyrë, por, fjala është mbi një konstruksion të pahijshëm që është në fakt një llojë sulmi mbi personalitetin tim duke tentuar të më diskreditojë në mënyrën indirkete dhe të më përfaqësojë si një armik të popullit shqiptar. Kjo është një mosvërtetësi ndaj së cilës duhet të reagoj.
Jam serb ortodoks dhe luftoj për mirëqenien dhe interesin e popullit serb në Kosovë dhe Metohi, por nuk jam armiku i popullit shqiptar dhe nuk veproj kundër interesin e shqiptarëve. Përkundrazi, unë e nderoj dhe respektoj sinqerisht popullin shqiptar. Edhe pse shumica e shqiptarëve nuk pajtohet me qëndrimin tim në lidhje me statusin e Kosovës dhe Metohisë, unë do të mbetem i angazhuar vazhdimisht për krijimin e shoqërisë multietnike të përparuar dhe të begatë në Kosovë dhe Metohi, në dobi të serbëve dhe shqiptarëve.
/tesheshi.com/
