Kosova i tregon dhe njëherë vendin drejtuesit të Zyrës për Kosovën, Marko Gjuriç. Ky i fundit ka kërkuar që të vizitonte komunat në veri të Kosovës ku ka një prezencë të madhe të popullatës serbe, të cilat nesër kanë zgjedhjet e jashtëzakonshme, por që nga Prishtina i ka ardhur një “Jo” e prerë
“Nuk aprovohet kërkesa e tij për vizitë pasi nuk është në përputhje me kriteret e Marrëveshjes së Brukselit”, është thënë nga kabineti i ministrit të Punëve të Jashtme, Behgjet Pacolli.
Por ndërkohë, Gjuriç ka thënë se do të tentojë të futet në Kosovë.
“Organet e Prishtinës nuk më kanë lënë. Do të provoj përsëri të hyjë në Kosovë”, është shprehur ai.
Kujtojmë se afro një vit më parë, ai “u bë shembull” nga Forcat Speciale kosovare, duke u çuar duarlidhur në polici, pas një arrestimi spektakolar e poshtërues njëherësh. /tesheshi.com/
