Marko Gjuriç, shefi i Zyrës për Kosovën në Qeverinë e Serbisë, ka thënë gjatë një interviste për RTK-në se Serbia duhet t’i kërkojë falje Kosovës për viktimat e luftës, por kjo sipas tij duhet të ndodh nëpërmjet dialogut.
Ai nuk e ka sqaruar më tej se çdo të thotë “të kërkosh falje nëpërmjet dialogut”, por ka kërkuar më konkretisht që se e kaluara mes Kosovës dhe Serbisë duhet lënë pas.
“Kjo e kaluar e lënë pas është në interes si për Kosovën ashtu edhe për Serbinë”, tha Gjuriç.
Për politikanin serb, procesi i paqes dhe qetësisë të bëhet në mënyrë të sinqertë.
Sa për debatin e shpërthyer mbi çëshjen e kishës ortodokse serbe në territorin e kampusit universitar të Prishtinës, Gjuriç tha se më mirë do të ishte që fjalën të japin përfaqësuesit fetarë e jo ata politikë. /tesheshi.com/
