Zjarret që përfshinë rajonin e Ohrit, Strugës dhe malin Vodno në Shkup janë lokalizuar por për shkak të temperaturave të larta, autoritetet kompetente akoma janë në gjendje alarmi.
Drejtoria për Mbrojtje dhe Shpëtim u ka dërguar apel qytetarëve që t’jenë të kujdeshëm në ambientet e hapura për shkak rrezikut nga përhapja e zjareve të cilën e ndihmojnë temperaturat shumë të larta në vend.
Sipas zëvendësdrejtorit të Drejtorisë për Mbrojtje dhe Shpëtim, Ekrem Zendeli, zjarret që u shfaqën në fillim të javës janë lokalizuar dhe shuar, por thotë se kjo nuk do të thotë se alarmi ka kaluar, pasi në Maqedoni rreziku nga zjarret është i lartë në këtë periudhe: “Drejtoria për Mbrojtje dhe Shpëtim I ka mobilizuar njësitet rajonale të cilat janë në teren vazhdimisht dhe nëse ka nevojë do të aktivizohen edhe resurset që janë rezervë. Në këtë moment nuk kemi ndonjë zjar aktiv” thotë Zendeli, sipas të cilit shkatari kryesorë është faktori njeri, andaj qytetaret duhet të jenë të kujdesshem në ambientet e hapura:”Shuarja e cigares si dhe fikja e zgarës në vendet për pikniqe shpeshherë paraqesin shkaktarë të zjarreve prandaj apelojmë për kujdes, të cilin ja adresojmë edhe Piromanëve të cilët po ashtu rezultojnë të jenë shkaktarë të zjareve të mëdha” shprehet ai.
Së fundmi, siç thotë Zendeli, drejtoria ka realizuar edhe fushatë për ngritjen e vetëdijes së qytetarëve duke shpërndarë materiale informuese se si duhet të sillen ne ambiente të hapura.
Ndërkohë, gratë shtatzëna dhe të sëmurët kronikë të moshës mbi 60 vjeç, me një rekomandim të qeverisë janë liruar nga obligimet e punës përdërisa zgjat vala e të nxehtit.
Siç njoftoi sot Ministria e Shëndetësisë, në periudhën e njejtë, rekomandohet që punëdhënësit t’i riorganizojnë aktivitetet e punës të punëtorëve në ndërtimtari të cilët punojnë në të hapur, me ç’rast do të evitohet kryerja e aktivitetetve ndërtimore në të hapur në periudhën nga ora 12 deri në orën 17.
Përgatiti Bekim Laçi tesheshi.com
