Maqedonia shënon sot 26-vjetorin e shkëputjes nga ish-Jugosllavia si shtet fedaral, për të shpallur pavarësinë dhe dalë si shtet më vete me anë të një referendumi.
Ishte një shumicë gati absolute që ju përgjigj me një “Po” pavarësisë, e cila pati si të veçantë moslarjen me gjak, siç ndodhi në Slloveni fillimisht, në një mënyrë shumë të kufizuar, e më pas në Kroaci, Bosnjë e Kosovë, ku u shënuan dhe genocide.
Maqedoninë si shtet më vetë e njohu fillimisht Bullgaria, e më pas Turqia, Sllovenia, Kroacia, Rusia, Bosnjë e Hercegovina etj.
Megjithatë, disa vite më pas “pushka do kërciste” dhe aty. Një krah i armatosur nga faktori shqiptar iu kundërvu me armë regjimit maqedonas, në emër të të drejtave të mohuara, duke shkuar tek Marrëveshja e Ohrit, pasi gati një viti konflikt.
Sot, Maqedonia është ende një vend me kriza të herëpashershme politike dhe me ngjyrime etnike, ndërsa ka probleme me emrin, pasi atë nuk ia pranon Greqia. /tesheshi.com/
