Qeveria e Maqedonisë Veriore ka vendosur të zgjasë shtetrrethimin nga e mërkura, nga ora 16:00 dero 5:00 të mëngjesit, dhe të ndalojë plotësisht qytetarët të lëvizin gjatë fundjavave.
Kjo është bërë me rekomandimin e Komisionit për Sëmundje Infektive, duke gjykuar situatën e rënduar në vend, me treguesit më negativë në rajon.
Të moshuarit 67 vjeç e lart lejohen vetëm nga ora 10:00 deri në ora 12:00 gjatë ditëve të javës, dhe ata nën 18 vjeç nga ora 13:00 – 15:00.
Qeveria e Shkupit ka vendosur të ndalojë tubimet në vendet publike “në grupe me më shumë se dy” në vend të pesë të mëparshëm, me përjashtim të prindërve me fëmijë nën 14 vjeç.
Në një konferencë për shtyp, kryeministri Oliver Spasovski tha se po hyhet në një fazë pandemike me “sfidat më të mëdha”, me një numër në rritje të pacientëve dhe viktimave të reja, duke shtuar se piku pritet të arrijë dy deri në tre javët e ardhshme.
Ai tha se është vlerësuar që numri i të infektuarve mund të rritet (nga 570 aktualë) në 2,000 ose 2.500 persona, por u bëri thirrje qytetarëve që të respektojnë masat dhe ndalimet për ta mbajtur numrin më të ulët.
“Numri i të infektuarve ka të ngjarë të jetë 2,000 deri në 2.500, por është më mirë të përgatiteni për një numër më të madh sesa një më të vogël”, tha Spasovski, duke u kërkuar qytetarëve të respektojnë rekomandimet dhe ndalimet dhe për të kaluar pushimet e Pashkëve dhe Ramazanit në shtëpi.
“Ne po hyjmë në një fazë të re radikale për stabilitetin e sistemit shëndetësor, profesionistët e kujdesit shëndetësor, shëndetin individual dhe kolektiv, ekonominë … Të gjithë duhet të japin kontributin maksimal në këtë fazë kritike për të kaluar me dëmin më të vogël të mundshëm. Por kjo betejë do të vazhdojë,” përfundoi ai kryeministri i Maqedonisë Veriore. /tesheshi.com/
