Lideri i opozitës maqedonase Zoran Zaev, në konferencë për shtyp shpalosi përgjimet e bisedave telefonike në të cilat dëgjohen zyrtarë të lartë shtetërorë duke kurdisur arestime të oponëntëve politik dhe duke shantazhuar opozitën maqedonase.
Në njërin audio incizim të lëshuar, kryeredaktori i një televizioni proqeveritarë bashkëbisedon me shefin e Zbulimit dhe Kundërzbulimit Sasho Mijallkov, në të cilin ky i fundit, madje cakton edhe kohëzgjatjen e dënimit me burg për ish ministrin e brendshëm Lube Boshkovski: Tetë vitë do t’marë për këtë vepër” dëgjohet zëri i tij, ndërkohë kryeredaktori i përgjigjet “Do ta futim në burg Lube Boshkovskin dhe as zoti nuk do ta nxjerrë”
Në bisedë tjetër telefonike, bashkëbisedojnë ministrja e brendshme Gordana Jankullovska dhe shefi i kabinetit të kryeministrit Gruevski, në të cilën flasin për tetë autobus me simpatizantë të opozitës maqedonase të nisur drejt Shkupit, në fushatë zgjedhore, për cka kurdisin ndalim të autobusëve nga policia dhë dërgim të tyre në kontroll teknik.
Secila bombë e radhës do të jetë më shokante për qytetarët e Maqedonisë, ajo që ka bërë Gruevski dhe familja e tij janë rrëqethëse, tha Zaev në fillim të press-konferencës.(tesheshi.com)
