Një lajm i mirë për shqiptarët e Maqedonisë dhe Kosovës. Komisioni për politikë të jashtme (KPJ) i Kuvendit të Maqedonisë votoi sot propozim ligjin për ratifikimin e Marrëveshjes mes Maqedonisë dhe Republikës së Kosovës për kushtet e udhëtimit të shtetasve të të dyja vendeve vetëm me letërnjoftime.
Këtij ligji i parapriu një debat ndërmjet deputetëve të partive, mirëpo në fund, ratifikimin e kësaj marrëveshjeje e përkrahën edhe VMRO-DPMNE dhe LSDM. Madje nga partia në pushtet rikujtuan opinionin se propozues të këtij propozim-ligji janë pikërisht ata, kurse nga LSDM gjatë këtij debati thanë se përkrahin çdo bashkëpunim rajonal, përfshi këtu edhe lëvizjen me letërnjoftime me Kosovën, por porositën BDI-në që këtë marrëveshje mos ta përvetësojnë, pasi ajo njëzëri u përkrah nga të gjitha partitë.
Derisa në rrjetet sociale veçmë kanë filluar me komente komike në adresë të Bashkimit Demokratik për Integrim, duke pyetuar ata mos vallë edhe frymëmarrja e shqiptarëve në Maqedoni është pjesë e platformës së BDI-së?!
