Rreth 19 kandidatë janë paraqitur për postin e prokurorit publik në Republikën e Maqedonisë, pas shpalljes së konkursit, i cili zgjati 15 ditë dhe pritet që të vazhdojë deri të hënën.
Ky numër aplikantësh konsiderohet i madh, por jo i papritur, nga momenti që qeveria kërkoi shkarkimin e Marko Zvrlevskit nga posti i tij.
Kandidatët e paraqitur për postin e kryeprokurorit janë: avokatët Zvonko Davidoviç, Alekandar Tortevski, Aleksandar Nakov, noterja Lorija Vanevska dhe profesor Sejfulla Osmani.
Për anëtarë të këshillit në prokuroritë speciale janë : Ljubomir Jovevski, avokati Toni Menkienovski, avokati Elenko Milanov dhe gjykatësi Numan Limani.
Gjithashtu në këtë garë janë paraqitur edhe avokatët Arben Golja dhe Stevica Sarkovski.
Sipas procedurës ligjore, këshilli i prokurorëve publik në afat prej 15 ditësh duhet të japë mendim për të gjithë kandidatët, dhe më pas qeveria do të zgjedhë një nga kandidatët me mendimin e tyre pozitiv dhe ta propozojë në Kuvendin e Republikës së Maqedonisë.
Për emërimin e Prokurorit Publik është e nevojshme të votojnë 61 deputetë./tesheshi.com/
