Pas një jave pushim nga festat fetare, është rikthyer debati në parlamentin maqedonas me po të njëjtën gjuhë ku palët përfshihen në replika dhe më tek asgjë nuk ndodh. Ajo që mund të veçohet nga seanca e të martës, ishte ndërhyrja e deputetit të Lëvizjes BESA, Afrim Gashi, i cili dhe njëherë u rrek të sqaronte se çfarë ishte në thelb Platforma Shqiptare apo ndryshe Deklarata e Tiranës me të cilën nga Gruevski & Co po abuzohet e spekullohet
“E para nuk është mirë të keqpërdorni ose të thoni se deklarata është e Tiranës. Për Lëvizjen BESA është deklaratë e partive shqiptare në Maqedoni dhe që nga BESA është miratuar në Shkup më 7 janar 2017. Nëse dëshironi të merrni një alibi të këtillë për të thelluar krizën edhe më tej kjo nuk i shërben askujt”, tha po ashtu Gashi.
“Maqedonia problemin e ka që kur doli afera e përgjimeve dhe atëherë e kuptuam si funksionon sistemi i gjyqësisë, prokuroria, etj.”, shtoi Gashi. /tesheshi.com/
