Nga Mensur Krasniqi
Një vit e gjysmë mungesë, pas zgjedhjeve parlamentare të 2014-ës, deputetët e partisë më të madhe opozitare maqedonase LSDM, në krye me Zoran Zaev, sot u kthyen në kuvend, detyrim ky i opozitës pas marrëveshjes për tejkalimin e krizës politike. Kryetari i kësaj partie në pres konferencën e mbajtur sot para kuvendit, deklaroi se nuk e ka ndërmend të lëshoj pe, andaj me çdo kusht kërkon që deri më 15 shtator të zgjidhet prokurori special, përndryshe marrëveshja nuk do të jetë valide, duke ironizuar se nuk do të pranon më “Marrëveshje fasuletë”.
Ai kujtoi se përvec prokurorit special, deri më 20 tetor duhet të zgjidhet qeveri e re, të ndryshohen ligjet e nevojshme të jurispudencës, Ligji i zgjedhjeve – të formohen tërësisht lista tjera zgjedhore, të kërkohet dhe votohet dorëheqja e Nikolla Gruevski nga posti i kryeministrit, të zgjedhet kryeministër i ri që me ministrat dhe zëvendësministrat e ri të opozitës nga qeveria kalimtare të sigurojnë kushte për zgjedhje fer dhe demokratike.
“Marrëveshja duhet plotësuar deri në fund në mënyrë që të jetë valide, nëse jo, atëherë do të sjellim vendim se cka do të bëjmë më tutje, dhe do ta kumtojmë publikisht”, tha Zaev.
Në pyejten e gazetarëve, se a do të marrin pjesë në zgjedhjet e ardhshme parlamentare vitin e ardhshëm, Zaevi u përgjigj se pa plotësimin e marrëveshjes ata nuk do të marrin pjesë edhe një herë në zgjedhje kriminale.
“Qëllimi ynë është që institucione në të ardhmen të kthehen në normale, dhe përgjigjeja e kësaj do ishte organizimi i mirrëfilltë i zgjedhjeve”.
“Nikolla Gruevski”, potencon Zoran Zaev, pranoi gjithkça që nuk pranonte, dorëheqjen e tij, qeveri kalimtare, dhe prokuror special.
“Kërkova qeveri kalimtare në ora 19 në ditën e zgjedhjeve kriminale. Kërkova edhe ndarjen e partizimit të shtetit, rregulloren e mediumeve. Kur e kumtova këtë, kishte dyshime nëse opozita do të mbijeton jashtë Kuvendit, dhe nëse do ketë shitje të deputetëve. Një vit pas saj, Nikolla Gruevski pranoi gjithçka, dorëheqje, qeveri kalimtare dhe prokuror special”, shtoi Zaev.
Ndërkaç, kryeministri Nikolla Gruevski nuk i komentoi kërcënimet e opozitës, duke qenë konciz theksoi se do të bëjnë gjithçka për respektimin e marrëveshjes”, deklaroi Nikolla Gruevski.
“Ne gjithë kohën mundohemi që punët të kryhen ashtu siç jemi marrë vesh”, shtoi ai.
Grupi parlamentar i VMRO DPMNE-së nga ana tjetër përshëndeti kthimin e LSDM-së në Kuvend, por kritikoi mungesën e tyre prej 15 muajsh, për të cilat deputetët opozitarë kanë marrë paga.
Kthimin në parlament të deputetëve opozitar e përshëndeti edhe Pavle Trajanov, lideri i Aleancës demokratike, parti kjo në koalicion qeveritar me VMRO-në e Gruevskit. Ky vlerëson se LSDM ka bërë një hap të rëndësishëm për tejkalimin e krizës politike.
“Aleanca demokratike vlerëson se vetëm nëpërmjet një debati të argumentuar dhe përgjegjësie të lartë politike mund të implementohet Marrëveshja dhe të krijohen kushte për zgjedhje fer dhe demokratike. Aleanca demokratike në mënyrë aktive do të përpiqet të krijojë kushte për të dalë nga kjo krizë politike, sundim të së drejtës, dhe përforcim të kapaciteteve demokratike të shtetit”, deklaroi Trajanov.
Mbi kthimin e LSDM-së në Kuvend deri tani nuk kemi asnjë reagim nga partitë shqiptare në Maqedoni. /tesheshi.com/
