Të organizuar në rrjetin social Facebook, qytetarë të shumtë kanë paralajmëruar protesta para qeverisë në Shkup, pasi më herët opozita maqedonase publikioi të dhëna nga afera e përgjimeve me detaje për vrasjen e të riut Martin Neshkovski para katër viteve gjatë festimit të fitores së VMRO-DPMNE-së në zgjedhjet parlamentare.
Neshkovski u vra nga një polic në detyrë, I cili ka qenë I angazhuar në ekipin e sigurimit të kryeministrit Gruevski.
Lideri I LSDM-së, Zoran Zaev publikoi bisedë telefonike e cila tha se është bisedë mes ministres së brendshme Gordana Jankullovska dhe kryeministrit Gruevski, e cila zbardh gjithçka.
“Jo vetëm Jankullovska dhe tjerët, por edhe personalisht kryeministri Gruevski ka ditur për vrasjen e Neshkovskit. Ka ditur kush e ka vrarë dhe kush ka fshehur vrasjen, dhe ka ditur gjithashtu se MPB ka bërë proçesverbal të pasaktë që t’fshehet e vërteta.Në vend të kërkojë zbardhje, Gruevski ka tentuar të mos dëmtohet vet dhe ka gënjyer prindërit e të vrarit, duke dhënë urdhra që për rastin t’mos fajsohet sigurimi I tij. Urdhëron që në proçesverbal të shkruhet se vrasësi, të figurojë si person fizik, dhe jo polic në detyrë” deklaroi Zaev.
/tesheshi.com/
