Katër foshnje të porsalindura kanë ndërruar jetë në klinikat e Shkupit. Foshnjet kanë lindur parakohe dhe ishin vendosur në inkubator për të siguruar kushte bazike për jetë të shëndoshë pas lindjes.
Sikundër raportohet, mjekja pediatër kujdestare nuk ka qenë në vendin e punës dhe se inferemieret kanë kërkuar ndihmë menjëherë sa është përkeqësuar gjendja e fëmijës së parë.
Mjekja ka dalë nga vendi i punës, një orë pasi ka marrë turnin, njofton TV Sitel.
Burimet bëjnë të ditur se kanë njoftuar ngritjen e një komisioni pune, që duhet të shqyrtojnë problemin dhe të gjejnë fajtorët.
Ky komision është duke përgatitur një raport për të gjetur shkakun e vdekjes. Raporti do të përcaktojë nëse shkaku është moskujdesi apo shkaqet janë biologjike. /tesheshi.com/
