6 shkurti 1958 do të mbahet mend përgjithmonë nga të gjithë tifozët e Manchester United. 23 persona, përfshirë tetë lojtarë dhe tre anëtarë të stafit të klubit, pësuan lëndime fatale në tragjedinë e Mynihut.
Skuadra po kthehej nga ndeshja e Kupës së Europës kundër Crvena Zvezda-as, kur avioni i tyre u ndal në Gjermani. Dy tentativat e para për t’u ngritur nga aeroporti i Mynihut u ndërprenë, pas përpjekjes së tretë avioni u rrëzua, shkruan faqja zyrtare e klubit të Manchester United.
Tetë lojtarët që vdiqën ishin: Geoff Bent (25), Roger Byrne (28), Eddie Colman (21), Duncan Edwards (21), Mark Jones (24), David Pegg (22), Tommy Taylor (26) dhe Liam Whelan (22). Edwards, i konsideruar nga shumë si lojtari më i mirë i gjeneratës së tij, vdiq 15 ditë pas aksidentit.
Tre zyrtarët e klubit që u vranë ishin sekretari Walter Crickmer, trajnerët Tom Curry dhe Ber Whalley.
Tetë gazetarë Alf Clarke, Donny Davies, George Follows, Tom Jackson, Archie Ledbrooke, Henry Rose, Eric Thompson dhe ish-portieri i Manchester City, Frank Swift u vranë gjithashtu.
Kapiteni i avionit Ken Rayment, anëtari i ekuipazhit Tom Cable, agjenti i udhëtimit Bela Miklos dhe tifozi Willie Satinoff, një mik i menaxherit të Manchester United, Sir Matt Busby, ishin gjithashtu viktima të tragjedisë së tmerrshme.
Fatkeqësia ajrore e Mynihut është një pjesë e pashlyeshme e historisë së United, siç është rikuperimi i Sir Matt, i cili, së bashku me ndihmësin e tij Jimmy Murphy, ndërtuan një ekip tjetër të madh që fitoi Kupën Evropiane 10 vjet më vonë. /tesheshi.com/
Manchester United will never die. #FlowersOfManchester 🌹 pic.twitter.com/iYPpRDa5yd
— Manchester United (@ManUtd) February 6, 2023
