Manchester United ka nënshkruar një marrëveshje prej 900 milionë funtesh (1.05 miliardë euro) me Adidas, duke rinovuar partneritetin e tyre me furnizuesin e tyre zyrtar të veshjeve për 10 vjet të tjera.
Manchester United po rikthehet në Ligën e Kampionëve këtë sezon pasi përfundoi kampionatin anglez në mesin e katër skuadrave më të mira, kujton Reuters.
Prodhuesi gjerman i pajisjeve sportive Adidas u bë sponsor zyrtar i klubit në sezonin 2015/16, pas 23 viteve të mëparshme me Nike, ku kontrata e nënshkruar nga Manchester United në atë kohë ishte 750 milionë funte, që ishte një rekord për kohë. Tani është vendosur një rekord i ri.
“Marrëveshja e re rrit fokusin në ekipin e femrave të Manchester United që nga rifutja e tyre në 2018”, tha United në një njoftim të përbashkët me Adidas.
Kontrata e re me Adidas, në prag të sezonit të ri të Premierligës, i cili fillon muajin e ardhshëm, do të vazhdojë partneritetin deri në qershor 2035, njoftoi Premierliga angleze.
United janë ende në bisedime për t’u shitur pasi pronarët amerikanë, familja Glazer, nisën një proces zyrtar shitjeje në fund të vitit të kaluar. Ndër kandidatët e mundshëm për pronësi të klubit janë Sheiku i Katarit Jassim bin Hamad al-Thani dhe miliarderi britanik Jim Ratcliffe. /tesheshi.com/
