Manchester United-i pritet të mbyllë njërin sektor të tribunave në “Old Traford” për duelin e radhës në Europa Ligë ndaj Midtjylland-it. Shkak për këtë është bërë shitja e paktë e biletave, siç njofton britanikja Daily Mail.
Forma e dobët e “djajve” po vijon, edhe pas arritjes së disa rezultateve pozitive në javët e fundit. Ndërkohë, interesimi i tifozëve për ta parë skuadrën e Luis Van Gaal-it është gjithnjë në rënie, megjithëse biletat për ndeshjet e nivelit kombëtar janë të shitura deri në fund të sezonit.
Një e katërta e tribunave të stadiumit do të jenë të zbrazura në duelin e Ligës së Europës, sepse tifozët nuk kanë treguar interes për ta ndjekur ndeshjen nga afër. Si për ironi të fatit, sektori i quajtur “Sir Alex Ferguson”, që ka një hapësirë prej 26.000 ndenjësesh, do të jetë i zbrazur. /tesheshi.com/
