Mediat hebraike raportuan se një ushtar izraelit, i cili tentoi vetëvrasjen pranë gardhit me Rripin e Gazës javën e kaluar, dhe i cili u plagos duke bërtitur “Allahu Akbar”, e provoi sërish dhe ia doli të vriste veten.
U zbulua se ushtari, ose më saktë oficeri që kreu vetëvrasje, quhej major Muhammad Haib dhe ishte pjesëtar i njësisë së zbulimit të Batalionit Beduin në ushtrinë izraelite.
Mediat hebraike raportuan se ushtari izraelit në fjalë u plagos javën e kaluar pranë gardhit në kufirin e Gazës teksa bërtiste “Allahu Akbar”. Pasi e plagosën, ushtarët izraelitë përcaktuan se ai ishte shoku i tyre që kishte luftuar kundër popullit palestinez në Gaza.
Radioja e ushtrisë izraelite njoftoi se 28 ushtarë izraelitë kanë kryer vetëvrasje që nga fillimi i luftës në Gaza më 7 tetor 2023, numri më i lartë i regjistruar në 13 vitet e fundit.
Nëntorin e kaluar, Yedioth Ahronoth raportoi se të paktën gjashtë ushtarë kishin kryer vetëvrasje në muajt e fundit, në një raport që përgatiti mbi gjendjen e brishtë psikologjike të ushtarëve që vuanin nga çrregullimi i stresit post-traumatik për shkak të pjesëmarrjes së tyre në luftërat në Gaza dhe Liban.
U vu në dukje se ushtarët që kryen vetëvrasje kaluan një kohë të gjatë duke luftuar në Gaza dhe Liban, duke theksuar se numri i publikuar nuk pasqyron të vërtetën e plotë, për shkak të refuzimit të ushtrisë izraelite për të publikuar numrin e plotë të ushtarëve që kanë kryer vetëvrasje ose që kanë tentuar ta bëjnë këtë.
Sipas Zyrës së Riintegrimit të Ministrisë së Mbrojtjes, dhe siç raportohet nga media online The Times of Israel, rreth 5200 ushtarë të IDF, ose 43 për qind e të plagosurve që u pranuan në qendrat e rehabilitimit, vuajnë nga çrregullimi i stresit post-traumatik. /tesheshi.com/
