Pasi iu nënshtrua seancës rehabilituese të rradhës, kampionia olimpike në xhudo Majlinda Kelmendi ka folur me optimizmin dhe vetëbesimin e madh që e ka pasur gjithnjë.
Ajo është e bindur se do të kthehet edhe më e fuqishme në arenat e xhudos, dhe se do t’i sjellë Kosovës edhe shumë medalje të tjera, shkruan “Koha Ditore”.
Kelmendi, më 15 shtator i është nënshtruar një operimi në gjurin e këmbës së majtë. Ka operuar ligamentin kryqëzor, pas lëndimit që e pësoi në kampionatin botëror muajin e kaluar.
Operimi kaloi me sukses, ndërsa në mesjavë Majlinda nisi rehabilitimin në Slloveni. /tesheshi.com
