Ish-kryeministri Pandeli Majko, aktualisht deputet i PS-së, ka ironizuar duke thënë se problem kryesor mes Shqipërisë dhe Kosovës, është rrushi. Duke dashur të kritikojë mosreagimet e Tiranës dhe Prishtinës për vendimin e shqiptarëve të Luginës së Preshevës në krijimin e Asocacionit të tyre si ai serb në Kosovë, Majka zgjedhur të shpotis dy politikat zyrtare me një status në FB:
Aktualisht problemi kryesor ne marredheniet e Shqiperise me Kosoven eshte… rrushi! Behet fjale per bllokimin e prodhimit te rrushit nga Kosova ne drejtim te Shqiperise. Nuk ma kishte marre mendja qe ne pritje te nje reagimi te perbashket shteteror per deklarimin e shqiptareve te Lugines ne shtetin e Serbise, per krijimin e “ekuivalentes” qe u krijua nga minoriteti serb ne shtetin e Kosoves… problemi do te ishte rrushi!
Duke shpresuar qe Tirana dhe Prishtina do te kene konsultime per kete zhvillim ne Presheve dhe po paten kohe edhe te diskutojne edhe… rrushin! Sigurisht.
