Nëntoka e Kukësit ka një qytet-bunker nën tokë, për më shumë banorë se sa jetojnë aty, mbi tokë, ndërtuar në kohën e komunizmit, shfaqur për herë të parë në ciklet e Marin Memës, por që deri më tani askush nuk ka menduar ta shndërojë në një atraksion turistik në qytetin që tashmë ka dhe areoport, por që vijon të mbetet i varfër, edhe pse i kalon përbri Rruga e Kombit.
Këtë kanë menduar dhe një grup prej 24 turistë nga Izraeli, pasi kanë vizituar qytetin e nëntokës të Kukësit.
“Mendoj se është shumë e rëndësishme të njohim historinë. Duke pare keto tunele e kupton se sa e rëndësishme është te jetosh ne demokraci. Ndaj është shumë e rëndësishme që njerëzit të vizitojnë këtë vend”, tha një turiste.
“Shumë vende të ngjashme në botë janë kthyer ne muze, që shërbejnë për të mos harruar të shkuarën, sado e hidhur të jetë ajo. Ne si grup kemi vizituar dhe tunele të tjera të ngjashme në Vietnam në Japoni”.
Afrim Cena, i cili punon si udhërrëfyes shprehet se ka shoqëruar me dhjetëra turistë në mjediset e këtyre tuneleve ndërsa apelon për mirëmbajtjen e tyre nga institucionet shtetërore.
“Kemi problem investimin. Rruga nuk është e mirë, aty brenda në tunel ka pikime dhe shembje. Mirë është mos të mos pikojë ujë në kokë, por të restaurohet, të kthehet në muze”, citohet ai nga A1 Report.
Llogaritet që Kukësi nëntokësor, 30 metra nën këmbët e Kukësit mbitokësor, të strehojë më shumë se 30 mijë persona për një periudhë prej më shumë se 6 muajsh.
Ndërkohë një pjesë e pallateve, ndërtuar në periudhën komuniste i kanë në çdo shkallë portat e blinduara dhe tunelet hyrëse për në qytetin e nëndheshëm. /tesheshi.com/
