Presidenti francez Emmanuel Macron ka thënë se po pret përfundimin e zgjedhjeve në Kosovë, në mënyrë që të përfshihet në zgjidhjen e problemeve për rinisjen e dialogut Beograd-Prishtinë.
Ai e tha këtë të enjten në një takim të shkurtër me kreun e diplomacisë serbe, Ivica Daçiç.
Kancelarja gjermane Angela Merkel tha shtatë ditë më parë në Berlin se Gjermania dhe Franca po përpiqen të nxisin rifillimin e dialogut midis Serbisë dhe Kosovës, si dhe të bëjnë diçka në lidhje me taksat doganore që Kosova ka imponuar ndaj produkteve nga Serbia.
Pas bisedimeve me kryeministren serbe Ana Brnabiç, Merkel nuk pranoi të komentojë pohimet se Gjermania dhe Franca mund të caktonin një të dërguar special për dialogun Serbi-Kosovë. /tesheshi.com/
