Si një prej figurave kryesore të LDK-së në vite, Haziri tha se është krenar për 31 vjet të ecjes në rreshtin e madh të Rugovës.
“Jam i nderuar që sot para jush po ju njoftojë se kanë përfunduar konsultimet e fundit me strukturat e LDK-së në Gjilan, po ashtu edhe me autoritetet që LDK-së i kanë dhënë shpresë. Tri postulatet e shenjta të LDK-së – liria e saj e arritur me sakrificë dhe kryengritja e saj e armatosur, pavarësisë e shpallur de juro me 17 shkurt dhe demokracia e Kosovës mbesin postulate që do të punojë që ta rikthej LDK-në atu ku e ka vendin”, ka thënë ai.
Haziri tha se LDK duhej të niste ngjitjen e saj pas një rënieje vitet e fundit.
“Kësaj here LDK-ja doli keq. Rezultati i saj tregon për humbje besimi.
Ne vlerësojmë shumë gjeneratat që kontribuojnë edhe sot, po ashtu vlerësojmë përvojën dhe rezistencën e gjeneratave të vjetra të LDK-së, gjeneratave të mesme që është gjeneratë e Republikës…”, tha ai, duke shtuar se këta janë breza me të cilët do të jenë të angazhuar për ta kthyer LDK-në aty ku e ka vendin, në partinë e parë.
“Këto duhet të jenë zgjedhje të LDK-së, jo për të larguar të tjerët, por për t’i afruar ata që kanë humbur besim, ata që janë dëshpëruar dhe ata që janë larguar të pakënaqur, kur njerëzit nuk ndihen të eliminuar por bashkohen për të bërë shumë…Zgjedhje kur respektohet veprimtari dhe i hapet dera të riut”, theksoi Haziri.
Ai ftoi Vjosa Osmanin që të kthehej në LDK.
“Kurrë se kom pa jashtë LDK-së, ka qenë vullnet i saj. Besoj se ka ardhur koha mu pajtu dhe mu khty në LDK për ta dhënë kontributin e vet”, tha Haziri. /tesheshi.com/
