Kreu i Partisë Demokratike, Lulzim Basha, gjatë një takimi me mësuesit në kryeqytet, në kuadër të 7 Marsit, pasi u shprehu vlerësimin për sakrificën e arsimtarëve që edukojnë brezat, tha se qeveria e shpreh vlerësimin për ta nëpërmjet investimeve në arsim si dhe pagave të tyre.
Sipas Bashës, qeveria i ka vendosur mësuesit në të gjithë Shqipërinë, nën presion.
“Para se të jemi politikanë, vendimmarrës, çdo shqiptar duhet të jetë nxënësi mirënjohës ndaj një armate të tërë mësuesish që kanë shkrirë jetën e tyre në kushte të vështira për të investuar tek brezat. Si e trajton një qeverisje mësuesit dhe mësuesinë nuk varet nga dokrrat dhe fjalimet e bukura por nga aktet”, theksoi Basha.
Kreu i PD-së u shpreh ndër të tjera se “një qeveri ka shumë në dorë të bëjë për arsimin por këtë nuk e tregon me doktrinat por me paratë që investon në arsim dhe tek mësuesit, pedagogët, statusi i tyre, kualifikimi i tyre, dhënia mësuesve shqiptarë të gjitha kushtet”. /tesheshi.com/
