Musa Mustafa
Lulzim Basha, Kryetar i Bashkësisë së Tiranës, dhe lideri i opozitës shqiptare është shpallur “qytetar nderi” i qyteti të Mitrovicës në një ceremoni të mbajtur në orët e vona në qendrën e kulturës ‘Rexhep Mitrovica” në Mitrovicë.
Bislim Imeri, Kryesues i Kuvendit Komunal të Mitrovicës, duke arsyetuar dhënien e këtij titulli ka theksuar se Kuvendi Komunal i Mitrovicës më mënyrë unanime ka votuar në dhënien e këtij titulli Lulzm Bashës, kryebashkiakut të Tiranës.
“Kuvendi Komunal i Mitrovicës i jep titullin ‘Qytetar nderi i Mitrovicës’ me motivacion për përmirësimin e cilësisë së jetës së qytetarëve shqiptarë dhe atyre mitrovicas, përmes zhvillimit të projektit për kthim të të zhvendosurve në vatrat e tyre ne veri të qytetit” ka arsyetuar Imeri dhënien e këtij titulli.
Sipas tij “i përmenduri i gëzon të gjitha benificionet dhe privilegjet e parapara për titullim ‘Qytetar nderi i Mitrovicës’.
Lulzim Basha, pas pranimit të titullit ‘Qytetar Nderi i qytetit të Mitrovicës’, duke iu drejtuar të pranishmëve ka theksuar se “ribashkimi me ju sonte në Mitrovicë në këtë mbrëmje më bën të ndihem shumë fatlum, unë jam rritur në një familje si shumë të tilla në Shqipëri ku fjala Kosovë ka qenë po aq e pranishme sa fjala bukë dhe ujë”.
“Gjithçka që ka ndodhur në këtë truall, gjithçka që ndodhte në mënyrë të përditshme të përjavshme me dekada, gjenocidi, persekutimi, vrasjet, shtypjet kanë qenë pjesë e vazhdueshme e dhimbjes, bisedave e lotëve në shtëpinë tonë” ka thënë Kryebashkiaku i Tiranës.
“Ndaj e quaj vetën me fat dhe i falem Zotit për mundësim që më ka dhënë për të bërë dhe unë atë që më takonte si nip i Kosovës si bir i prindërve të Kosovës, që të kontribuoj sa do pak ka qenë dhe është detyra e imja, është fati dhe privilegji të cilin uroj të vazhdoj ta kem sepse Zoti më ka mundësuar të jem e të bëjë detyrën time karshi Kosovës, prapë shpresoj e besoj se me ndihmen e Zotit, punën e kam përpara” ka thënë Basha i emocionuar.
I pari i Tiranës ka shtuar se ‘ndihet fatlum për këtë respekt të rrallë sepse përkon me këtë ditë të bekuar e të shumë pritur nga gjithë ju qytetarë e Mitrovicës, Kosovës e mbarë qytetarëve shqiptarë, të rikthimit për ty prehur në gjirin e tokës që e lindi Kreshnikun e Kombit Isa Boletinin”.
“Nesër dhe dy ditë e ardhshme janë ditët nga më të bekuarat të historisë tonë të vjetër e të re, Lidhja e Prizrenit, 137 vjetori i Besës së madhe, vjen nesër bashkë me Heroin kombëtar Isa Balotini” ka thënë Basha.
“Pasnesër dhe ditë në vijim është 11 e 12 qershori janë ditët e bekuara e shumë pritura të çlirimit të Kosovës, përkulem këtu para Syl Vokshit, Isa Boletnit, Adem Jasharit e Ibrahim Rugovës dhe bashkëluftëtarëve të tyre që na dhanë këtë mundësi që të jemi bashkë,” ka thënë Basha në Mitrovicë.
Ndërsa , Kryetari i Komunës Agim Bahtiri, me këtë rast ka theksuar se ‘i nderuari Lulzim Basha, qytetarët e Mitrovicës janë të nderuar me prezencën e juaj këtu në Mitrovicë”.
“Ata ju falënderojnë nga zemra që në çastet më të rënda të historisë tonë ndihmuat në mbajtjen gjallë të shpresave tona për Liri dhe Pavarësi si dhe për kontributin e juaj në kthim të të zhvendosurve në veri të Mitrovicës dhe Kosovës” ka thënë Bahtiri.
Në fund të kësaj ceremoni është dhënë një program i pasuar kulturoro-artistik, ky dy kryetarët; ai i Mitrovicës dhe Tiranës u janë bashkuar këngëve që iu këndonin Heronjve të shqiptarisë.
/tesheshi.com/
