Ironia e fatit është një tregues që politika është pjesë e jetës njerëzore. Dhe kështu jeta e ka sjellë që Luzim Basha të festojë çdo vit bashkë me rivalin e tij më të “tmerrshëm” Edi Rama. Kjo pasi, Kryetari i Partisë Demokratike, ka ditëlindjen e tij në një ditë me kundërshtaren e tij politike; Partinë Socialiste. Basha është lindur më 12 qershor të vitit 1974, kurse PS është themeluar më 12 qershor 1991 dhe çdo vit forca politike e së majtës në vend feston me militantët e saj me zijafete, me të ngrëna dhe të pira.
Ndërsa Basha realisht edhe pse merr urime nga miq e mbështetës, asnjëherë nuk është paraqitur publikisht të festojë. Ndoshta se është një kremtim personal dhe s’ka lidhje me festën e partisë kundërshtare që është një përvjetor politik…
/tesheshi.com/
