Ministri i Jashtëm gjerman Heiko Maas beson se Evropa duhet të bëjë një sistem pagese të pavarur nga SHBA nëse dëshiron të ruajë një marrëveshje bërthamore me Iranin, të cilin Presidenti Donald Trump e refuzoi.
Sipas tij, është jashtëzakonisht e rëndësishme për të forcuar autonominë evropiane duke krijuar kanale të pagave të pavarura nga Shtetet e Bashkuara.
Maas u shpreh në një artikull për revistën e biznesit Handelsblatt se çdo ditë marrëveshja me Iranin “mbijeton”, e frenon sa të jetë e mundur një “krizë shpërthyese” që kërcënon Lindjen e Mesme.
Kohët e fundit, Maas ka konfirmuar se vendet evropiane do të mbeten të bashkuara në vendimin e tyre për të vazhduar t’i përmbahen marrëveshjes 2015 me Iranin, pavarësisht vendimit të Uashingtonit për të dalë prej saj.
“Europa është shumë, shumë e bashkuar në qëndrimin e marrëveshjes bërthamore me Iranin dhe kjo nuk do të ndryshojë”, tha Maas.
Muaj më parë, Presidenti Trump njoftoi tërheqjen e Shteteve të Bashkuara nga marrëveshja bërthamore me Iranin, që ai e quajti “katastrofike”, duke njoftuar rikthimin e sanksioneve kundër Teheranit.
Britania e Madhe, Gjermania dhe Franca kanë shprehur keqardhje mbi vendimin amerikan për t’u tërhequr nga marrëveshja me Iranin dhe i bënë thirrje Uashingtonit që të mos marrë hapa të cilat do të bëjnë jetën e vështirë për shtetet e tjera që ende duan të mbeten të angazhuara për marrëveshjen. /tesheshi.com/
