Një ditë pas seancës plenare, ku u konstituua parlamenti i ri me ligjvënësit e dalë nga zgjedhjet e 25 qershorit, Presidenti Ilir Meta, ka dekretuar kabinetin qeveritar “Rama2”.
Dekreti për ministrat, pasoi atë për mandatimin e kryeministrit për formimin e qeverisë së re. Dje, Meta me një dekret të posaçëm mandatoi Ramën si kryeministër, i cili duke mos humbur kohë paraqiti në Presidencë emrat e ministrave.
Pak orë i janë dashur Presidentit të dekretojë edhe përbërjen e qeverisë, duke përmbyllur në këtë mënyrë proçesin ligjor brenda më pas se 24 orësh.
Kryeministri Edi Rama do të udhëheqë vendin edhe për 4 vitet e ardhshme në një mandat të dytë, zëvendëskryeministre është Senida Medi, deputete e Shkodrës, ndërsa në këtë mandat numri i ministrive është reduktuar në 13.
Të hënën, kuvendi do të mblidhet në një seancë plenare ku do të shpaloset programi i qeverisë, ndërsa pasdite do të votohet.
Të mërkurën është parashikuar që Qeveria të betohet para presidentit, marrë formën e plotë ligjore për nisjen e punës. /tesheshi.com/
