Donald Lu ia bën “bam” përsëri duke iu përgjigjur atyre që e kanë shkarkuar virtualisht.
Me një veprim të fuqishëm, pikërisht një javë pas inaugurimit të Donald Trump, ambasada amerikane ka marrë një vendim të fuqishëm politik.
Ajo ka refuzuar t’u japë vizë disa prokurorëve të fuqishëm shqiptarë, të vënë në rreth të kuq si të korrptuar, të cilët kanë aplikuar për të marrë pjesë në një takim të rëndësishëm në SHBA. Ende nuk ka asnjë informacion që kush janë këta prokurorë, por zërat e parë jo të konfirmuar janë se bëhet fjalë për një nivel shumë të lartë përfaqsimi dhe emrash.
Ambasada e SHBA në Tiranë, në një njoftim për shtyp dërguar edhe në redaksinë e tesheshi.com, bën të ditur arsyet e këtij vendimi.
Njoftimi i plotë i ambasadës së SHBA
“Ambasada e Shteteve të Bashkuara ka revokuar vizat jo-emigruese për disa gjyqtarë dhe prokurorë shqiptarë pasi ka dalë në përfundimin që këta zyrtarë nuk kualifikohen për këto viza. Për shkak se të dhënat e vizave janë konfindenciale sipas ligjit të Shteteve të Bashkuara, ne nuk mund të komentojmë mbi raste individuale. Ambasada e Shteteve të Bashkuara e ka ndërmarrë këtë veprim përpara procesit të pritshëm të vetingut, i cili do të vlerësojë lidhjet e zyrtarëve të caktuar me korrupsionin, si dhe në përgjigje të një rasti që përfshinte abuzim flagrant të një vize zyrtare nga një prokuror i nivelit të lartë dhe bashkëshortja e tij, gjë që çoi në revokimin e vizave të tyre.
Ambasada e Shteteve të Bashkuara i merr seriozisht akuzat për korrupsion dhe do të vazhdojë t’i shqyrtojë vizat dhe aplikimet për vizë të zyrtarëve të drejtësisë me vëmendje të shtuar. Departamenti i Shtetit ka një autoritet të gjerë për të mohuar dhe revokuar viza bazuar në informacione që tregojnë se zotëruesi i vizës mund të jetë i papranueshëm në Shtetet e Bashkuara dhe Departamenti i Shtetit do të vazhdojë ta përdorë këtë autoritet për të çuar përpara përpjekjet kundër korrupsionit në Shqipëri”. /tesheshi.com/
