Deputetja e LSI, Kejdi Mehmetaj, ka reaguar mbi situatën e krijuar ndja maturantëve, të cilët nuk kanë fituar në universitete edhe pse janë me mesatare shumë të larta.
Deputetja Mehmetaj ka kritikuar ashpër Ministrinë e Arsimit, që sipas saj, duhet të kishte njoftuar mirë maturantët. Ndërsa, ka shtuar se ndryshimet nuk mund të bëhen vitin e fundit, duke e cilësuar këtë një veprim aspak normal.
Ajo u ka bërë thirrje maturantëve të përpiqen ta kalojnë situatën me qetësi, si dhe MAS të zgjidhë problemin e tyre, që në tetor të gjithë të jenë të ulur në bankat e universiteteve.
“Kërkohet durim që qëllimi final i kësaj historie të arrihet dhe ëndrra e tyre të realizohet. Komunikimi gjakftohtë dhe dialogu i hapur duhet të mbizotërojë me maturantët. Shqetësimi i maturantëve është i justifikuar. Kriteret duhet të ishin njfotuar që në fillim, nuk është normale që ndryshimet të bëhen në vitin e fundit. Një qëndrim tjetër yni është edhe moskoordinimi i MAS me universitetet shqiptare, ky konfuzion ka sjellë këtë situatë me gjimnazistët. Një tjetër problem ka të bëjë me hartimin e akteve ligjore, aktet nuk u miratuan në kohën e duhur dhe kjjo solli pasojat që po vuajmë sot. I bëjmë thirrje MAS të vazhdojë me konstruktivitet punën e saj dhe të jetë pranë gjimnazistëve dhe nevojave të tyre. Mungesa e informacionit që mungoi më parë, të jetë sot i plotë. Maturantët të përpiqen ta kalojnë këtë situatë me konstruktivitet. Duhet të jemi sa më pranë tyre për t’i ndihmuar ta kalojnë këtë situatë, që në tetor të jenë pjesë e universiteteve”, ka deklaruar Mehmetaj.
/teshshi.com/
