Manute Bol dhe Gheorghe Muresan janë lojtarët më të gjatë në historinë e NBA. Të dy kanë pasur një gjatësi prej 2 metra e 311 centimetra. Manute ka qenë pjesëtar i tribusë Dinka në Sudan, të cilët bëjnë pjesë në popullsinë më të gjatë të botës. Gheorge është nga Rumania, ku edhe mban titullin si njeriu më i gjatë në këtë shtet dhe i dyti nga gjatësia e të gjithë njerëzve që jetojnë në Europë.
Manute Bol është gjithashtu i njohur si i vetmi lojtar i NBA që ka paguar 80 lopë për t’u martuar me bashkëshorten e tij dhe që ka arritur të vrasë një luan me një shtizë. Ai u rrit duke u kujdesur bagëtinë e familjes së tij dhe duke mbrojtur familjen e gjënë e gjallë nga luanët. Manute nisi të luajë basketboll kur ishte vetëm 15-vjeç, ndërsa pjesë e NBA-së u bë në vitin 1985, në moshën 32-vjeçare.
Gheorghe Muresan ka luajtur në mënyrë profesioniste basketboll në Francë, përpara se të bëhej pjesë e Washington Bullets në vitin 1993. Veç pjesës sportive, ai është marrë edhe me aktrim, ku ka luajtur në “My Giant” me Billy Crystal. /tesheshi.com/
