Në mediat online sot është përhapur si “vaji në lakra” një lajm i agjencisë së propagandës së Putinit, Sputnik, sipas të cilës një grup inspektorësh rusë do të mbikqyrin dislokimin e forcave shqiptare dhe kroate në një territor të caktuar.
Dhe lajmi është dhënë si i tillë pa e futur kush në një filtër logjik, se si ka mundësi që një ushtri e huaj mund të vëzhgojë dhe të hartojë një raport mbi forcat e armatosura të një vendi tjetër, aq më shumë dy vendeve dhe aq më shumë dy anëtarëve të NATO-s.
Lajmi është përhapur në mëngjes nga Sputnik ku theksohet se inspektimi do të bëhet në 16 mijë kilometër katrorë në Kroaci dhe 12 mjë kilomentër katrorë në Shqipëri.
Por kjo është një absurditet total, pasi si mundet që në Shqipërinë e 28 mijë kilometrave katrorë, gjysma do të përshkohet nga rusët që mbi të gjitha do të shënojnë të gjitha të dhënat e armatës shqiptare.
Këtë nuk e kanë bërë edhe atëherë kur Shqipëria ishte pjesë e Traktatit të Varshavës, jo më tani që jemi anëtar i NATO-s.
Vërtet, Sputnik thekson duke cituar Sergei Ryzhkov, një zyrtar të Ministrisë së Mbrojtjes; por nuk është e mundur që e gjitha të jetë pjesë e Kartës së Helsinkit që flet për OSBE-në, pra për Sigurinë dhe Bashkëpunimin në Europë.
Një njohës normal i kësaj karte e di që nuk bëhet fjalë për ushtrinë por për sigurinë e përgjithshme që mund të ndikojë në ndërlikimin europian.
Për shembull, OSBE ndërhyn nëse Shqipëria me kufijtë e saj dërgon armë në Mal të Zi dhe ndërlion situatën. OSBE dërgon monitorues që hartojnë raporte dhe vetëm kaq. Nuk ka asnjë logjikë që të pranojë që inspektorë nga Ministria e Brendshme e Rusisë të mund të kontrollojnë repartet ushtarake shqiptare.
Pasi nëse ndodh kjo, atëherë do të duhet që edhe të shkojnë ekspertë shqiptarë në Rusi, për të kontrolluar dislokimin e ushtrisë së Putinit.
Po pse do ta lejonte ai këtë?! Padyshim që jo.
Por mediave shqiptare u ka shpëtuar një gjë që është edhe më interesante: një delegacion i Teheranit ka vizituar Serbinë ku janë takuar me ministrin e Mbrojtjes, Zoran Gjorgjeviç.
Sipas radios B92, në takim është folur për vazhdimin e furnizimit të armëve dhe municioneve nga ana e Serbisë për në Iran, gjë që ka ndodhur në vazhdimësi pa ndërprerje.
Siç bën të ditur kjo radio duke iu referuar ministrisë së Mbrojtjes së Serbisë, bëhet jalë për një bashkëpunim në fushën e shkollimit të kadetëve iranianë dhe mjekësisë ushtarake, por kjo duket se është pjesë e ngjashme me “misionin humanitar serbo-rus” në Nish, pasi Irani vazhdon e blen sasi të mëdha armësh e municionesh nga Serbia.
Dhe ky është një problem që duhet diskutuar e analizuar edhe në kuadër të muxhahidinëve të ardhur në Shqipëri dhe influencën e Lindjes së Mesme në Ballkan. Që natyrisht bëhet fjalë për aleatë të Rusisë. /tesheshi.com/
