Një pianiste e verbër 13-vjeçare solli lot emocioni në sytë e qytetarëve të cilët patën rastin ta dëgjonin atë të performonte një pjesë komplekse të Chopin në një stacion treni plot lëvizje.
Në klipin e publikuar nga Channel që promovon “The Piano” (një shfaqje e re talentesh në Britani e drejtuar nga Claudia Winkleman) e vogla Lucy luan Op. 25, nr. 1, një nga krijimet më ikonike të kompozitorit polak, duke lënë pa fjalë publikun e tij.
Në këtë shfaqje të veçantë talentesh, pianistë amatorë të talentuar nga i gjithë vendi ftohen të luajnë në stacionet e trenit në Londër dhe qytete të tjera, jo gjithmonë duke e ditur se po marrin pjesë në një shfaqje televizive. Drejtuesit e emisionit vendosën kamera përreth vendit për të regjistruar reagimet e njerëzve, ndërsa dy moderuesit e emisionit, ylli i popit Mika dhe pianisti i famshëm klasik Lang Lang, e ndjekin nga pas.
This is the incredible moment Lucy, a 13-year-old who is blind and neurodiverse, played a highly-complex Chopin piece, leaving @MikaSounds and @Lang_Lang speechless.
The Piano, presented by @ClaudiaWinkle, starts tonight at 9pm on Channel 4.
Stream Free on All 4. #ThePiano pic.twitter.com/09YFNM2tOh
— Channel 4 (@Channel4) February 15, 2023
Në çdo episod, një nga pianistët e paraqitur do të zgjidhet për të luajtur në një nga sallat e koncerteve më të famshme në botë. Fituesi i madh i spektaklit të talenteve do të performojë para një publiku prej mijërash në Royal Festival Hall legjendar të Londrës.
Klipi i postuar nga Channel 4 në rrjetet sociale tregon efektin që ka performanca e 13-vjeçares, ku Mika thotë se ishte i mahnitur nga talenti i saj dhe Lang duke komentuar se ishte… pa fjalë.
Siç shpjegohet në video, Lucy, e cila është neurodiverse, shpesh mbulon veshët e saj në fund të një pjese. “Ajo i pëlqen duartrokitja, por jo zhurma e duartrokitjes, kështu që gishtat i shkojnë te veshët për arsye shqisore”. /tesheshi.com/
