Të ardhura pa fund, përfitime të mëdha nga sponsorat, premio për ndeshje specifike dhe para të fituara në fushë me Realin e Madridit. Ky po që është super marketim që Kristiano Ronaldo i bën vetes.
Pa “vjedhur” asgjë në fushën e blertë dhe duke qenë edhe për këtë sezon, në krye të “çatisë” së botës, për nga kualiteti sportiv, luzitani i Realit, ka nisur të mendojë edhe për të ardhmen pa futboll.
Vetëm për një postim të tij në rrjetin social Instagram, CR7 përfiton diku tek 350 mijë euro.
Shifra e habitshme ka tërhequr vëmendjen e opinionit mediatik, i cili “ka gërmuar” më thellë në këtë histori.
Por kur edhe shërbimi i paguar për foto në Instagram, Hopper ka konfirmuar diçka të tillë, atëherë çdokush ka dhënë admirimin e rradhës për fenomenin e dekadës së re.
Futbollist polemik, por i një klasi të rrallë, bamirës i ndjeshëm, baba i mirë dhe me dashuri për fëmijët, tashmë Kristiano Ronaldo na shfaqet edhe si “llogaritar” i mirë.
Epo kur këmbët fillojnë të tradhëtojnë, i takon “mendjes” të shënojë gola./tesheshi.com/
