Dhjetëra njerëz u shkelën për vdekje në trazira që u zhvillua në pelegrinazhin hebre në veri të Izraelit, sipas shërbimeve të shpëtimit.
Magen David Adom (MDA), shërbimi i ambulancës izraelite, thotë se të paktën 44 njerëz u vranë në orët e para të mëngjesit të së premtes dhe se “MDA po lufton për jetën e një numri të plagosurish”.
Shtohet se më shumë se 150 njerëz u plagosën, nga të cilët të paktën gjashtë janë në gjendje kritike.
Tragjedia ndodhi kur një numër i madh njerëzish u përpoqën të largoheshin përmes një kalimi të ngushtë, të ngjashëm me një tunel, sipas dëshmitarëve, të cilët shtuan se kishte shkallë të rrëshqitshme metali në fund të kalimit.
Një i urtë nga shekulli i dytë
Kryeministri izraelit Benjamin Netanyahu njoftoi në mediat sociale se ishte një “aksident i rëndë” dhe shtoi: “Ne lutemi për viktimat”.
E gjitha ndodhi gjatë pelegrinazhit vjetor të Lag BaOmer të dhjetëra mijëra hebrenjve ultra ortodoksë kryesisht në malin Meron, pranë varrit të pohuar të Rabbit Shimon Bar Yochai, një i urtë talmudik i shekullit të dytë.
Pamjet në mediat sociale tregojnë një grup pelegrinësh të ngarkuar rëndë duke lëvizur në një shteg të ngushtë. Yehuda Gottlieb, një nga shpëtuesit e parë që mbërriti në vendngjarje, tha se ai pa “dhjetra njerëz duke rënë mbi njëri-tjetrin”.
“Një numër i madh i tyre u përplasën dhe humbën vetëdijen,” shtoi ai.
Mijëra pelegrinë
Shërbimet e shpëtimit dërguan gjashtë helikopterë për të ndihmuar në evakuimin e të plagosurve, disa prej të cilëve u transferuan me helikopterë ushtarakë në Tel Aviv dhe Jeruzalem.
Autoritetet kanë miratuar një tubim prej 10,000 personash në vendin e varrit, por organizatorët thonë se më shumë se 650 autobusë mbërritën nga i gjithë vendi duke transportuar të paktën 30,000 pelegrinë. /tesheshi.com/
