Numri i njerëzve të vdekur pas shembjes së një dige minerare në juglindje të Brazilit është rritur në 58, tha zëdhënësi për Agjencinë e Mbrojtjes Civile të Minas Gerais, Flavio Godino.
Ai tha se pritet që numri i viktimave të vazhdojë të rritet.
Të dielën, autoritetet braziliane pezulluan për disa orë operacionet e kërkimit për të mbijetuar, pasi ekzistonte rreziku i çarjes së një tjetër dige në pronësi të së njëjtës kompani minerare.
Kërkimi vazhdon për qindra njerëz që mungojnë.
Pas shkarkimit të digës të premten, një zonë pranë vendbanimit Vila Ferteco u përmbyt, duke shkaktuar frikë nga përhapja e mbeturinave toksike dhe ndotja e mundshme e mjedisit.
Në kohën e çarjes së digës, qindra punëtorë ishin në një mensë duke drekuar, e cila u varros në llum dhe ujë me ç’kishte brenda.
Tani për tani, nuk dihet se çfarë e shkaktoi çarjen e digës. /tesheshi.com/
