Ish-kryeministi Ljubço Georgjievski, i cili në kohën kur qeveriste me shtetin u ballafaqua me krizën e refugjatëve të Kosovës, me aferë ne përgjimeve “Veshi i Madh” dhe me konfliktin e vitit 2001, krizën aktuale politike e cilëson po aq të rëndë sa ato të lartpërmenduarat. Sipas tij, zgjdhje do ishte përpilimi i një marrëveshjeje e cila do të amnestonte krimet, sepse siç tha, në vend po përgatitet një valë e madhe arrestimesh, të cilat do të imponojnë më vonë nevojën për amnesti.
Po ashtu, në planin politik, Georgjievski e sheh daljen nga kriza me krijimin e një një qeverie teknike me ekspertësh e cila do të drejtohej nga një shqiptar: ”Ndoshta zgjidhja do t’ishte një shqiptar në atë qeveri teknike. Mua personalish kjo nuk më pengon, pasi viteve të fundit shqiptarët kanë nxjerë 4-5 intelektualë të mirëfilltë të cilët do të ishin të denjë për këtë post”
Pr.Dr. Nazmi Maliqi, ish zv. Ministër për Mbrojtje, theksoi rëndësinë e një koalicioni parazgjedhor mes partive maqedonase dhe shqiptare, pasi sipas tij kjo do të ndërtonte një shtet stabil: “Alternativën të cilën e shoh unë parasheh që partitë politike të bëjnë programe të përbashkëta. Nëse munden të qeverisin bashkarisht, pse të mos munden BDI dhe VMRO të garojnë bashkë në zgjedhje, sepse qytetarët janë lodhur nga fjalori me të cilin politikanët garojnë se e kujt është më shumë Maqedonia”
Këto propozime dhe komente u bënë në debatin e Qendrës për Mirëkuptim dhe Bashkëpunim Institucional me temë: “Maqedonia në vorbullën e përgjimeve – Çfarë është zgjidhja”. /tesheshi.com/
