Kryeministri i Republikës së Serbisë, Aleksandar Vuçiç dhe Drejtori i Zyrës për Kosovë Marko Djuriç jane takuar sot në Beograd me përfaqësuesit e Listës Serbska në Kosovë. Pas ketij takimit Vuçiç-Gjuriç dhe lista serbe, është vendosur që kjo e fundit të tërhiqet nga koalicioni i qeverisë së Kosovës. Kështu njofton agjencia “Presheva Jonë”.
Kryeministri Vuçiç tha se “serbët e Kosovës dhe Metohisë sot dhe në të ardhmen, duhet të bashkëveprojnë bashkërisht. Serbët nga Kosova marrin vendime në partneritet me Qeverinë e Republikës së Serbisë dhe Kryeministrit permes takimeve të përbashkëta, që do të mbahet një herë në muaj në Beograd.”
Nga ky takim erdhen në përfundim që në javën e ardhshme do të organizohet seancë e jashtëzakonshme të përbashkët të komunave serbe në Kosovë, e cila do të shqyrtojë të gjitha çështjet aktuale dhe për të diskutuar veprimtaritë e mëtejshme politike të serbëve në Kosovë.
Kryeministri Vuçiç dhe përfaqësuesit e Listës Serbe kanë arritur në përfundimin se Prsithina zyrtare nuk po zabton marrëveshjet e arritura sipas marrëveshjes së koalicionit me përfaqësuesit politikë të qeverise së Kosovës. Prandaj u vendos që përfaqësuesit serbë nuk do të marrin pjesë në institucionet e përkohshme të vetëqeverisjes në Prishtinë, për sa kohë që pala shqiptare nuk e respekton marrëveshjen.”, njoftojnë burimet nga qeveria serbe në Beograd.
Në takim u ra dakord po ashtu që “përfaqësuesit politikë të listave serbe vazhdojnë të luftojnë për të drejtat e serbëve në Kosovë dhe Metohi, marrjen e vendimeve politike dhe hapa konkrete në terren.”
Acarimi me listën serbska arriti kur kreu i kësaj forca politike Aleksandër Jabllanoviç dhe ministër për Minoritete dhe Kthim ofendoi publikisht familjarët e të zhdukurve nga regjimi pushtues serb para çlirimit të vitit 1999. Pas një proteste paqësore por me tone të larta, Jabllanoviç i cilësoi ato “egersira”. Kjo provokoi një reagim të ashpër popullor dhe protesta të dhunshme në Prishtinë. Një javë pas këtyre protestave, Jabllanoviç u shkarkua nga qeveria.
(tesheshi.com)
