Një muaj pas heqjes së projektligjit për Demarkacioni nga kryeministri Isa Mustafa ende nuk dihet se kur kjo marrëveshja do të rikthehet për ratifikim në Kuvendin e Kosovës.
Lista Serbe e cila bojkotoi seancën e 1 shtatorit dhe më pas u fajësua nga kryeministri Isa Mustafa për vënie të kushteve, thotë se ende nuk u ka bërë ftesë për të diskutuar për Demarkacionin.
Shefi i Listës Serbe, Slavko Simiç ka deklaruar për mediat kosovare se pret të ketë bashkëpunim ndërmjet gjitha partive, pasi, sipas tij, kjo do të ishte më e mira për qytetarët e vendit.
“Ne nuk kemi diskutuar ende temën e demarkacionit, ne presim një koordinim më të fortë institucional dhe të koalicionit për të arritur një konsensus të gjerë të të gjitha partive politike që marrin pjesë në Kuvend për çështjen e demarkacionit, por edhe në aspektin e temave të tjera që janë me interes vital për qytetarët tanë”, është shprehur ai.
Më tej, Simiq thotë se ka një hendek të madh të komunikim ndërmjet partive, mirëpo, sipas tij, ky boshllëk duhet të mbyllen njëherë e përgjithmonë.
“Në qoftë se ju keni pyetje që janë me interes vital për qytetarët tanë, atëherë ne duhet të gjithë të tregojmë përgjegjësi dhe obligim që të shmangim çdo lloj të komplikimi politik dhe pengim”, thotë ai. /tesheshi.com/
