Një grua që kaloi 20 vjet burg në Australi me akuzën e vrasjes së katër fëmijëve të saj është liruar falë fakteve të reja se ajo autorja e dramës së papërshkrueshme.
Prokurori i Përgjithshëm i Uellsit të Ri Jugor, Michael Daley tha se nëna 55-vjeçare Kathleen Folbigg u fal pas një hetimi njëvjeçar, i cili filloi në maj 2022. Hetimi zbuloi prova të reja se fëmijët mund të kenë vdekur nga shkaqe natyrore.
Guvernatorja Margaret Beazley nënshkroi një amnisti për lirimin e pakushtëzuar të Folbigg.
Kathleen Folbigg u dënua për vrasjen e katër fëmijëve të saj midis viteve 1989 dhe 1999, ku i vogli prej të cilëve ishte vetëm 19 ditësh dhe më i madhi 19 muajsh.
Në përfundim të procesit gjyqësor në vitin 2003, Folbigg u dënua me 30 vjet burg.
Megjithatë, në vitin 2018, dolën njohuri të reja se dy fëmijët e saj kishin një mutacion të rrallë gjenetik.
Më pas, në vitin 2021, një grup prej 90 shkencëtarësh dhe ekspertësh shkroi një peticion për të liruar Folbigg, duke deklaruar se vdekjet e fëmijëve mund të jenë shkaktuar nga sëmundje të rralla gjenetike.
Dënimi i saj me burg duhej të përfundonte në vitin 2033. /tesheshi.com/
