Ligat Europiane të futbollit po shkojnë drejt mbylljes së sezonit. Në disa kampionate tashmë është sqaruar puna e skuadrës e cila do ta ngris trofeun javën e fundit. Bayern Munich është njëra ndër to e cila katër xhiro para përfundimit të kampionatit ka në dispozicion 15 pikë prapa ndjekësit më të afërm Wolfsburg e cila bëri rrëshqitjen e rradhës në duel me Munchengladbach dhe kështu i siguron numrat që bavarezët ta mbrojnë titullin për here të tretë më rradhë. Ky ishte titulli i 25-të, në Bundesligën gjermane për bavarezët ndërsa i 19 në karrierë për Pep Guardiolan, teknikun që po e drejton skuadrën.
La Liga spanjolle: Shumë më ndryshe qëndrojnë punët në kampionatin spanjoll. Aty kampioni në fuqi Atletico Madrid është dorëzuar në luftën për titull, mirëpo atë po e vazhdojnë dy rivalët e përjetshëm, Real Madrid dhe Barcelona. Kur kanë mbetur edhe pesë javë deri në përfundimin e kampionatit blaugranasit prijnë me dy pike më shumë se mbretërit. Çdo gabim eventual do të thotë “lamtumirë” titull prandaj edhe vikendin që lëmë pas dy skaudrat ecën me hapa të sigurt duke arkëtuar pikët e plota.
Premier Liga angleze: Skuadra e Jose Mourinhos po i prijnë valles së klasifikimit në njërin ndër kampionatet më të forta në botë. Chelsea që këtë fundjavë barazoi rivalin direkt për titull Arsenalin i duhet vetëm edhe një fitore për të përfunduar llogaritjet sa i përket skuadrës kampione. Tashmë janë sqaruar edhe skuadrat që do të përfaqësojnë kampionatin anglez në garat europiane. Manchester City, Arsenal, Manchester United së bashku me kampionin do të luajnë në Ligën e Kampionëve sezonin e ardhshëm.
Serie A italiane: Juventus dështoi ta mbyll sezonin më herët. Zonja e vjetër u befasua nga rivali lokal Torino dhe kështu iu shtye festa edhe për një javë. Përcjellësi më i afërt i torinezëve tashmë është Lazio rivali lokal i Romës që edhe këtë vit u dorëzua herët në luftën për titull. Kur kanë mbëtur edhe edhe gjashtë javë deri në fund Juventus prinë me 14 pikë më shumë se Lazio që do të thotë se i duhet një fitore javën që vjen për të fituar edhe titullin e 33-të në kampionatin Italian.
Ligue 1 franceze: Lufta për titull sa vjen e bëhet më interesant. Por, tani kan mbetur vetëm dy skuadra në luftën për kurorën e më të mirit në kampionatin francez pasi Marseille ka bërë rrëshqitjen e rradhës madje në shtëpi duke mbetur kështu mprapa luftës për titull edhe pse me gjasa matematikore. Lyon që po kryeson renditjen ka regjistruar fitoren e rradhës, sikurse ka bërë edhe PSG që ka një ndeshje më pak dhe ka mundësinë të rrëmbej sërish pozitën e parë. /tesheshi.com/
