Juventus regjistron fitoren e shtatë më rradhë, kësaj here viktimizon skuadrën modeste të Carpit, (2-3). Kampionët aktual vazhdojnë kështu formën e mirë në stadiumin Alberto Braglia, falë dy golëshit të Mario Mandzukic dhe një Paul Pogbas.
Fitore me rëndësi këtë fundjavë ka regjistruar edhe skuadra e Napolit, gjithashtu në udhëtim. Napolitanët gjunjëzuan Atalantan (1-3), në një ndeshje që dhuroi katër gola, kartonë dy ngjyrshë, penalti e gjithçka tjetër. Gonzalo Higuain kontriboi me dy gola në këtë triumf të skuadrës së Maurizio Sarrit, deri sa u ndihmua nga Marek Hamsik me një qëllim nga penaltia, ndërsa një tjetër e huqi fare.
Një tjetër skuadër nga kreu i tabelës, që shijon fitoren është Fiorentina. Skuadra nga Firenza ka mposhtur në Artemio Franchi, Chievo Veronën, (2-0). Golat u realizuan nga ballkanasit, Nikola Kalinic dhe Josip Ilicic, që ndihmuan skuadrën vjolle drejt triumfit të 11-të, këtë kampionat që vazhdon ta mbajë atë në pozitën e dytë, prapa Interit lider.
/tesheshi.com/
