Edhe pse po shkëlqen në Premiere Legue, Manchester City u mund në shtëpi nga Juventus, që nga ana tjetër nuk po shkëlqen aspak në Seria A. Një 2-1 për juventinët, mundet të jetë dhe një kthesë në rezultatet e “zonjës së vjetër”, siç u paralajmërua nga Alegri. Ndërkohë që PSV ka qenë një tjetër befasi e natës së martë, me triumfin ndaj Manchester United po ashtu me përmbysje. Po le t`i marrim me rradhë grupet dhe rezultatet:
Në grupin A, ashtu siç pritej PSG ka mposhtur me lehtësi Malmoen (2:0), me autorë të golave Angel Di Marian dhe Edinson Cavanin. Fitore të lehtë dhe bindëse ka regjistruar edhe Real Madrid që ka “shkatërruar” ukrainasit e Shakhtar Donetskut (4:0), me tre golat e Ronaldos dhe një të Benzemas.
Grupi B, solli befasinë e mbrëmjes deri sa PSV përmbys epërsinë e Manchester United (2:1). Ritakimi me ish skuadrën nuk i bëri përshtypje Memphis Depayt që realizoi golin e epërsisë për “djajtë”, deri sa holandezët u rikthyen me golat e Hector Morenos dhe Luciano Narsingh për ta fituar ndeshjen. Në duelin tjetër të grupit Ëolfsburg i falet golit të Julian Draxlerit për ta mposhtur minimalisht CSKA Moskën (1:0).
Në grupin C, Benfica ka mposhtur pastër kazakët e Astanas (2:0), me autorë Gaitan dhe Mitroglun. Fitore mjaft të rëndësishme ka shënuar edhe Atletico Madrid në udhëtim te Galatasaray (2:0), me protagonist francezin Antoine Griezman që realizoi dy herë në pjesën e parë, për ta heshtur stadiumin e zhurmshëm “Ali Sami Yen” në Stamboll.
Grupi D, po ashtu solli befasi mjaft të këndshme. Juventus përmbys Manchester Cityn (2:1). Në fakt tre golat u shënuan nga italianët, pasi golin e regjistruar për “citizens” e qëlloi Chielini në portën e tij. Dyshja sulmuese Morata – Mandzukic me dy gola përmbysën gjithçka, duke i dhënë kështu fund formës së dobët të “biankonerëve” këtë nisje të sezonit.
Në ndeshjen tjetër, Sevilla ka “demoluar” gjermanët e Borusia Monchengladbach. Tre penalti, dy të konvertuara në gol nga Banega dhe Gameiro dhe një gol tjetër i Konoplyankas i dha tre pikëshin me të cilin kryeson përkohësisht grupin. /tesheshi.com/
